Lukaşenko qapalı Qarabağ danışıqlarının ŞOK SİRRİNİ AÇDI: “Biz qoşunlarımızı...”

Belarus prezidenti Aleksandr Lukaşenko Ermənistanın keçmiş prezidenti Serj Sarkisyanla Dağlıq Qarabağ münaqişəsi ətrafında söhbətinin detallarını açıqlayıb.

Publika.az xəbər verir ki, Lukaşenko Sarkisyanla Qarabağ müzakirəsinin Kollektiv Təhlükəsizlik Müqaviləsi Təşkilatının (KTMT) İrəvanda keçirilən iclaslarının birində baş tutduğunu bildirib.

Lukaşenko Sarkisyanı münaqişənin güzəştli həllinə dəvət edib və qeyd edib ki, Belarusla Rusiyanın mövqeyi eynidir, həmçinin zəruri olarsa, müəyyən zəmanətlərin təminatı üçün hərbi kontingenti daxil etməyə söz verib.

“Biz Putinlə eyni mövqeyi sərgilədik: Serj, 5 rayonu qaytar. Bunu etməmək üçün heç bir səbəb yoxdur. O dedi: əgər bu rayonları qaytaracağamsa, onlar (Azərbaycan) orada Qarabağın yolunu kəsəcəklər. Onda biz Putinlə birgə söz verdik ki, Azərbaycan bunu etsə, biz öz qoşunlarımızı ora daxil edəcəyik. Serj dedi: yox, biz buna getməyəcəyik, bunu istəmirik”, - Lukaşenko həmin danışığın detallarını açıb.

Belarus prezidedenti Ermənistanın bu mövqeyindən təəccübləndiyini gizlətməyib: “Niyə istəmirlər? Axı 5 rayon boş qalıb. Onların qaytarılması ilk addım olardı, nəticədə Azərbaycan və Ermənistan KTMT-də və Avrasiya İqtisadi İttifaqında olardılar. Bu, Azərbaycanın təşkilata daxil olmasında şərt idi. Siz niyə imtina edirsiniz? Belarus və Rusiya orada müharibənin olmayacağı zəmanəti ilə çıxış etmişdi axı”.

Asif