Vurğun Əyyub son mənzilə "Ruhani" ilə yola salındı... - VİDEO - (YENİLƏNDİ)

Tələbə Qəbulu üzrə Dövlət Komissiyasının (TQDK) sabiq sədri, Azərbaycan Demokratiya və Rifah ADR Hərəkatı sədrinin 1-ci müavini, dosent Vurğun Əyyubla vida mərasimi keçirilir.

Axar.az xəbər verir ki, mərasimdə mərhum V.Əyyubun ailə üzvləri, xalq şairi Sabir Rüstəmxanlı, Müsavat Partiyasının keçmiş başqanı İsa Qəmbər, millət vəkilləri Fazil Mustafa və Aqil Abbas, Pənah Hüseyn, Xəzər Universitetinin təsisçisi Hamlet İsaxanlı, keçmiş təhsil naziri, professor Firudin Cəlilov, Ədalət Partiyasının sədri İlyas İsmayılov, Müsavat Partiyasının sədri Arif Hacılı, KAXCP sədri Mirmahmud Mirəlioğlu, professor Adil Qeybulla, digər siyasətçilər, ictimaiyyət nümayəndələri iştirak edir.

Vida mərasimindən sonra mərhum torpağa tapşırılması üçün Hövsan qəsəbəsindəki "Dədə Qorqud" qəbiristanlığına aparılacaq.

Qeyd edək ki, 1957-ci il təvəllüdlü Vurğun Əyyub bu gün günorta saatlarında dünyasını dəyişib. Mərhum onkoloji xəstəlikdən əziyyət çəkirdi.

Vurğun Əyyub öz vəsiyyətinə uyğun olaraq Ruhani sədaları altında torpağa tapşırılıb.