Nida Xəbər
Nur-Sultanda Azərbaycanla bağlı xiyaban açıldı - FOTO
Qazaxıstanın paytaxtı Nur-Sultan şəhərində Azərbaycan diplomatik xidmət orqanlarının 100 illiyi və 18 oktyabr – Dövlət Müstəqilliyi Günü münasibətilə xiyabanın açılış mərasimi keçirilib.
Publika.az xəbər verir ki, Azərbaycanın Qazaxıstandakı səfirliyinin təşəbbüsü ilə baş tutan tədbirdə şəhərin iqliminə uyğun ağaclar əkilib. Səfir Rəşad Məmmədov bildirib ki, məqsəd Azərbaycanın müstəqillik gününü və diplomatik xidmətin 100 illiyini qeyd etməklə yanaşı, bu yolla təbiətə töhfə vermək və ictimaiyyətin diqqətini yaşıllıqların qorunmasına, ekoloji təhlükəsizliyə yönəltməkdir.
Bu gün Azərbaycanın Qazaxıstan ilə sabit diplomatik münasibətləri olduğunu söyləyən səfir hər iki ölkənin beynəlxalq təşkilatlar çərçivəsində bir sıra məsələlərdə vahid mövqedən çıxış etdiyini deyib. Qeyd edib ki, ölkələrimiz ardıcıl və ən yüksək səviyyədə türkdilli dövlətlərin inteqrasiyasına maraqlarını nümayiş etdirirlər. Bu günlərdə Bakıda keçirilən Türkdilli Dövlətlərin Əməkdaşlıq Şurasının (TDƏŞ) Zirvə Görüşündə bütün türk dünyası üçün vacib qərarlar qəbul edilib.
Tədbirdə iştirak edən Qazaxıstan Xarici İşlər Nazirliyinin və Nur-Sultan şəhər administrasiyasının rəsmiləri bu aksiya ilə xoş bir ənənənin əsasının qoyulduğunu və Azərbaycanın xeyirxah təşəbbüsünə dəstək göstərdiklərini ifadə ediblər.
-
İdman01:45
Məşhur kluba ağır cəza - 18 xalı silindi
-
Sosial01:01
Azərbaycana qaytarılan dörd kəndin sakinləri DANIŞDILAR - VİDEO
-
Qoroskop00:31
Günün qoroskopu: köklü yeniliklər başlanır
-
Magazin119 Aprel 23:15
Nazpəri illər sonra İlhamə Quliyeva ilə küsülü olmasının səbəbini açıqladı - VİDEO
-
Hadisə19 Aprel 22:48
Bakı metrosunda OLAY
-
Nida Xəbər 19 Aprel 22:24
4 kənd qayıtdı - Növbəti mərhələdə nə var?
-
Dünya19 Aprel 22:12
Ukrayna Rusiyanın hərbi obyektlərini vura bilər - NATO-dan TAM DƏSTƏK
-
MDB19 Aprel 21:50
95 yaşlı diplomat öldü