SON DƏQİQƏ: məşhur deputatın xanımı yüksək VƏZİFƏYƏ GƏTİRİLDİ - (YENİLƏNDİ)

Milli Məclis yeni Ombudsmanı seçdi.

Publika.az xəbər verir ki, müzakirələrdən sonra səsvermə keçirilib və səs çoxluğu ilə Konstitusiya Məhkəməsinin Aparat rəhbərinin müavini Səbinə Əliyeva Ombudsman seçilib.

Qeyd edək ki, S.Əliyeva Azərbaycanın Çindəki keçmiş səfiri və sabiq millət vəkili Yaşar Əliyevin qızı, millət vəkili Siyavuş Novruzovun həyat yoldaşıdır.

Yeni Ombudsman hazırda parlamentdə and içir.

Xatırladaq ki, buna qədər Azərbaycan Respublikasının İnsan Hüquqları üzrə Müvəkkili vəzifəsini 82 yaşlı Elmira Süleymanova icra edirdi. E.Süleymanova 2002-ci ildən Ombudsmandır.

***

12:34

Milli Məclisin plenar iclasında Azərbaycanın İnsan Hüquqları üzrə Müvəkkilinin (Ombudsman) seçilməsi məsələsinin müzakirəsi başlayıb.

Publika.az xəbər verir ki, bu barədə parlamentin vitse-spikeri Bahar Muradova məlumat verib.

O, deyib ki, 15 noyabr 2019-cu ildə Azərbaycan Prezidentinin imzası ilə parlamentə məktubu daxil olub: "Məktubda cənab prezident İnsan hüquqları üzrə Müvəkilinin seçilməsi üzrə namizədlərini təqdim edib”.

İnsan hüquqları komitəsinin sədri B.Muradova əlavə edib ki, komitə Ombudsmanlığa təklif edilən şəxslərin namizədliyinə baxıb və bunu parlamentin plenar iclasına təqdim edib: “Komitədə biz bu haqda müzakirələr apardıq. Namizədlər cəmiyyətdə tanınan insanlardır və onların hər biri şəxsi keyfiyyətlərinə görə bu vəzifəni tuta bilər. Namizədlər Səbinə Əliyeva, Kəmalə Əliyeva və Kəmalə Abiyevadır. Bu şəxslərin hər biri Ombudsman seçilməyə layiqli şəxslərdir".

Hazırda müzakirələr gedir.