ƏSA teatrının rəhbəri deputat olmaq istəyir - İmza toplayır
Bizi izləyin

Nida Xəbər

ƏSA teatrının rəhbəri deputat olmaq istəyir - İmza toplayır

Nihad Qulamzadə deputatlığa namizədliyini verib.

Publika.az xəbər verir ki, Azərbaycanın ilk və tək inklüziv teatrı olan ƏSA-nın təsisçisi və rəhbəri, rejissor Nihad Qulamzadə növbədənkənar parlament seçkilərində iştirak edəcək. O, 15 saylı Yasamal birinci seçki dairəsindən bitərəf olaraq namizədliyini irəli sürüb.

Artıq Nihad Qulamzadənin Azərbaycan Respublikasının Milli Məclisinə seçkilərdə deputatlığa namizədliyinin irəli sürülməsinin təsdiq edilməsi üçün lazımi sənədlər seçki komissiyasına təqdim olunub. Seçici imzalarının toplanması üçün kampaniya başlayıb. Teatrın rəhbəri Yasamal rayonunun sakinləri ilə şəxsən görüşərək, həmsöhbət olub. Nihad Qulamzadə qeyd edib ki: “Bu müddət ərzində göstərdiyim fəaliyyəti və yaxın zamanlarda olan bir çox təklifləri nəzərə alaraq, 9 fevral 2020-ci ildə keçiriləcək növbədənkənar parlament seçkilərində iştirak etmək qərarına gəldim. Düşünürəm ki, bu qərar xidmət etdiyim sosial-ictimai və mədəni sahəyə daha böyük töhfə vermək üçün bir fürsətdir. Davam edən prosesdə də daima seçicilərlə şəxsən ünsiyyətdə olacağam. Var gücümlə çalışacağam ki, namizədliyimi irəli sürdüyüm ərazinin bütün seçicilərilə görüşüm və problemləri ilə maraqlanım. Hətta qapı-qapı onları axtarmalı olsam belə”.

Hazırda seçici imzalarının toplanması davam edir. Yaxın günlərdə prosesin yekunlaşması gözlənilir.

Qeyd edək ki, 15 saylı Yasamal birinci seçki dairəsindən deputatlığa namizədliyini irəli sürmüş ən gənc şəxs Nihad Qulamzadədir.

Oxumağa davam et
Reklam
Reklam

Gündəm