Nida Xəbər
Xanhüseyn Kazımlının deputatlığa namizəd qızı barədə İLGİNC FAKT: Baş müəllim, yoxsa... - FOTO
Sosial Rifah Partiyasının sədri, sabiq deputat Xanhüseyn Kazımlının qızı Əsli Kazımova deputatlığa namizədliyini irəli sürüb.
Bunu Mərkəzi Seçki Komissiyasından Publika.az-a təsdiqləyiblər.
O, namizədliyini 80 saylı İmişli-Beyləqan seçki dairəsindən irəli sürüb və sənədləri Dairə Seçki Komissiyasına təqdim olunub.
Eyni zamanda bu günlərdə sosial şəbəkələrdə Xanhüseyn Kazımlının qızının namizədliyi ilə bağlı dövlət başçısına məktubunun surəti yayılıb. Partiya sədri Prezidentə müraciət edərək qızı Əsli Kazımovanın millət vəkili seçilməsini istəyib: "Əgər icazə versəniz, mən hər hansı dairədən millət vəkili seçilməyimə razı deyiləm. Əvəzimdə isə Sosial Rifah Partiyası sədrinin birinci müavini Kazımova Əsli Xanhüseyn qızının namizədliyini doğulduğum diyardan verərdim..."
X.Kazımlının yazdığı iddia olunan məktubda partiya sədri qızı haqqında ətraflı məlumat verib. Bildirib ki, bir neçə kitabın müəllifi olan Ə.Kazımova 2004-cü ildən Azərbaycan Dövlət İqtisad Universitetində çalışır. O, qızını sözügedən universitetin “İqtisadiyyatın tənzimlənməsi” kafedrasının baş müəllimi kimi təqdim edib.
Maraqlıdır ki, Əsli Kazımovanın Mərkəzi Seçki Komissiyasına təqdim etdiyi sənədlərdə isə onun “Bank Respublika” Açıq Səhmdar Cəmiyyətində şöbə müdiri kimi çalışdığı qeyd olunub. Məlumatı dəqiqləşdirmək üçün Ə.Kazımova ilə əlaqə saxlamağa çalışdıq. Telefon dəstəyini götürən və özünü Əsli Kazımovanın köməkçisi kimi təqdim edən şəxs namizədin bu barədə danışmaq istəmədiyini bildirdi.
-
Hadisə12:30
Maşınlarını tıxacda saxlayıb dalaşdılar - VİDEO
-
Sosial11:55
Əli Əsədov qərar imzaladı
-
Sosial11:25
Ömrü yarıda, pulu havada qalanlar: Pensiya kapitalı varislərə qaytarıla bilər?
-
Hadisə11:10
Azərbaycanın əməkdar artisti vəfat etdi - FOTO
-
Müsahibə10:15
Diplomu 175 ölkədə tanınan azərbaycanlı: İki illik proses 40 gündə bitdi
-
Region09:20
Tavuşda etiraz başladı: Ermənilər İrəvan-Tbilisi yolunu bağladılar
-
Ekopublika.az08:35
Azərbaycanda yumurta kəskin ucuzlaşdı - SƏBƏB
-
Nida Xəbər 07:50
Blinken Azərbaycanın kəndlərinin qaytarılması ilə bağlı razılaşmanı alqışladı