Vasitəçilik missiyasını həyata keçirən dövlətlər birtərəfli açıqlamalardan çəkinməlidir

Vasitəçilik missiyasını həyata keçirən dövlətlər birtərəfli açıqlamalardan çəkinməlidir. Birtərəfli açıqlamaların verilməsi bu danışıqlar prosesinə və vasitəçilik missiyalarına xələl gətirə biləcək hallardır.

Publika.az xəbər verir ki, bu sözləri mediaya açıqlamasında Prezidentin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev Makronun danışıqlar prosesindəki yeni format təklifi ilə bağlı açıqlamasına münasibət bildirərkən deyib.

O vurğulayıb ki, danışıqlar missiyasının mahiyyəti olduğu kimi qalır: "Hətta xarici işlər nazirləri səviyyəsində keçirilən görüşlər barədə təkliflər var idi ki, Azərbaycan tərəfi də bu məsələlərə bu və ya digər formada baxa bilər. Amma ilk növbədə Azərbaycanın işğal olunmuş ərazilərinin işğaldan azad olunması istiqamətində səylər səfərbər olunmalıdır ki, Ermənistanın Azərbaycama qarşı işğalına son qoyulsun və hərbi işğala əsaslanan sttaus-kvo nəticə etibarilə sonluğa gətirilsin".