Aprel döyüşləri Qarabağın azad olunmasının qapısını açdı - Fazil Mustafa

Aprel döyüşləri Qarabağın azad olunmasının qapısının açılması dövrü idi. Aprel döyüşlərindən sonra orduda bir sıra xoşagəlməz halların baş verməsi, bir neçə insanın qanunsuz olaraq istintaqa cəlb edilməsi sosial şəbəkələrdə müzakirə olunur. Dövləti sevməyən insanlar bunu dövlətə qarşı ittiham kimi səsləndirirlər.

Publika.az xəbər verir ki, bu sözləri Milli Məclisin bu gün keçirilən iclasında deputat Fazil Mustafa bildirib.

Millət vəkili bu məsələlərə dövlət orqanlarının nəzarət etməli olduğunu deyib: “Aidiyyəti qurumlar bunu araşdırmalıdır. Dövləti ittiham etmək olmaz. Ordu müqəddəsdir. Bu müqəddəsliyi qoruyub saxlamaq və sağlam mühit yaratmaq lazımdır. Dünən ölkə başçısı Selçuk Bayraktarı qəbul edib ona döyüşlərlə bağlı mükafat təqdim etdi. Anasının südü kimi ona halaldır”.

Fazil Mustafa Türk Şurasının Zirvə görüşünü yüksək qiymətləndirdiyini də qeyd edib: “Hesab edirəm ki, ortaq əlifba modelini yaratmağa çalışmalıyıq. Ən azından Özbəkistan kimi bunu etmək olar”.