Nida Xəbər

Müdafiə Nazirliyi Mirzə Əhmədovun vəfatı barədə məlumat yaydı

15 Avqust 2021 13:57

Müdafiə Nazirliyi Azərbaycan Ordusunun giziri Mirzə Əhmədovun vəfatı barədə məlumat yayıb.

Publika.az xəbər verir ki, açıqlamada deyilir: "Bəzi kütləvi informasiya vasitələri və sosial şəbəkələrdə gizir Əhmədov Mirzə Balaqardaş oğlunun Vətən müharibəsi zamanı yaralanması və 8 ay komada qaldıqdan sonra şəhid olması barədə məlumat yayılıb.
Bildirik ki, gizir M.Əhmədov 2020-ci ilin avqust ayının 7-də xidmət zamanı aldığı xəsarət səbəbindən bir ildən artıq Silahlı Qüvvələrin Baş Klinik Hospitalında müalicə olunub.
Lakin həkimlərin səylərinə baxmayaraq onun həyatını xilas etmək mümkün olmayıb və o, dünən vəfat edib.
Müdafiə Nazirliyinin rəhbərliyi hərbi qulluqçumuzun yaxınlarına və əzizlərinə dərin hüznlə başsağlığı verir".