Qarabağ münaqişəsinə son qoyulub, artıq Qarabağ Azərbaycanın daxili işidir - Hikmət Hacıyev

Azərbaycanın əzəli torpaqları işğalda idi. Lakin artıq bütün bunlar tamamilə dəyişildi. Azərbaycanın uğurlu əməliyyatları nəticəsində Ermənistanı sülhə məcbur etdi.

Publika.az xəbər verir ki, bunu Azərbaycan Respublikası Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev “COVID-19-dan sonrakı dünya” adı altında VIII Qlobal Bakı Forumu"nda deyib.

O bildirib ki, ATƏT-in Minsk qrupunun həmsədrləri tərəfindən aparılan səylər heç bir nəticə göstərmədi: " Bu gün Dağlıq Qarabağ münaqişəsinə son qoyulub. Bu artıq xarici siyasət mövzusu deyil. Biz artıq daha geniş regiona, Cənubi Qafqaza nəzarət yetiririk. Azərbaycanla Ermənistan arasında birbaşa yol yoxdur. Biz Zəngəzur dəhlizinin açılması üçün çalışırıq. Bu da Naxçıvanla Azərbaycan arasında gediş-gəlişi təmin edəcək".

Hikmət Hacıyev qeyd edib ki, Azərbaycan sülh müqaviləsinin imzalanmasına maraqlıdır: "Biz cənubi Qafqazda gözlənilən hadisələrdən ibarət region görmək istəyirik. Biz Gürcüstanla da bu sahədə çalışırıq. Ermənistan da bu prosesə qatıla və yalnız faydaları görə bilər. Mən işğaldan azad olunmuş əraziləri görəndə dağıntıları gözləyirdim, amma bu dərəcə də yox. Gəlin Cənubi Qafqaz regionunu tamamilə dəyişdirək, bir mövqedən çıxış edək. Hamı bundan faydalana bilər".