Nida Xəbər

Özbəkistanda referendum əleyhinə aksiyalar başladı

1 İyul 2022 22:59

Özbəkistanın tərkibinə daxil olan Qaraqalpaqıstan Respublikasının paytaxtı Nukus şəhərinin sakinləri ölkə Konstitusiyasına təklif edilən əlavə və dəyişikliklərə qarşı etiraz olaraq küçələrə çıxıb.

Publika.az Teleqraf.com-a istinadla xəbər verir ki, referendum baş tutarsa, qaraqalpaqlar Özbəkistandan ayrılmaq hüququnu itirəcək.

Qaraqalpaqıstanın Suverenliyi Bəyannaməsi 1990-cı ildə qəbul edilib. 1993-cü ilin əvvəlində dövlətlərarası müqavilə imzalandı və ona əsasən Qaraqalpaqıstan Respublikası Özbəkistan Respublikasının tərkibinə daxil oldu. Muxtariyyət ərazisi ölkə ərazisinin üçdə birindən çoxunu təşkil edir, lakin burada iki milyondan az insan yaşayır. Qaraqalpaqstan faydalı qazıntılarla zəngindir.

Daha öncə bildirilmişdi ki, Konstitusiyaya ediləcək əlavə və dəyişikliklər əsasən Özbəkistan prezidentinin səlahiyyət müddətinin 5 ildən 7 ilə uzadılması ilə bağlı olacaq.