"İnformasiya müharibəsi - Rəqəmsal dünyanın reallığı" adlı layihə davam edir

“Davam” Gənclər Hərəkatı tərəfindən informasiya müharibəsi ilə bağlı maarifləndirmə, praktiki təlim və kampaniyalardan ibarət fəaliyyət gündəliyi olan “İnfomüharibə ayı” çərçivəsində "İnformasiya müharibəsi - Rəqəmsal dünyanın reallığı" adlı layihə davam edir.

Publika.az xəbər verir ki, layihə çərçivəsində ekspert qismində iştirak edən “Azxeber.com” portalının baş redaktoru Hacıbəy Heydərli, baş direktoru Əfsələddin Ağalarov, jurnalist Kübra Məhərrəmova, jurnalist İsmayıl Yaşaroğlu, "Qarabağın tərəqqisi naminə" İctimai Birliyinin sədri Şəbnəm Səfərova tərəfindən interaktiv təlimlər keçirilib. Təlimlər zamanı Azərbaycan həqiqətlərinin dünya ictimaiyyətinə çatdırılması, sosial mediada Azərbaycanın maraqlarının təmin edilməsi, gənclərin informasiya müharibəsində düzgün istiqamətləndirilməsi, virtual məkanda Azərbaycan əleyhinə həyata keçirilən qara piar kampaniyalarına qarşı mübarizə aparılması ilə bağlı gənclərə ətraflı məlumat verilib, onların sualları cavablandırılıb.

Qeyd edilir ki, layihə Gənclər Fondunun dəstəyi ilə icra edilir.

Səxavət