Nida Xəbər

Ərdoğan: “Bizi 52 ildir qapıda gözlədənlərə cavabımızı verəcəyik”

11 Noyabr 2022 14:25

Türkiyə Prezidenti Rəcəb Tayyib Ərdoğan ölkəsinin 52 ildir Avropa İttifaqının qapısında gözlədiyini və zamanı gələndə lazımi cavabı verəcəyini bildirib.

Publika.az xəbər verir ki, Rəcəb Tayyib Ərdoğan bunu Türk Dövlətləri Təşkilatının Səmərqənddə keçirilən sammiti zamanı deyib.

“Bizi 52 ildir Avropa İttifaqının qapılarında əziyyət çəkməyə məcbur edirlər. Hələ də eyni şeyi etməyə davam edirlər. Amma biz zamanı gələndə cavab verəcəyik”, - deyə Türkiyə Prezidenti qeyd edib.

Türkiyə Avropa İttifaqı ilə assosiasiya sazişini 1963-cü ildə imzalayıb.

Daha əvvəl Ərdoğan bildirib ki, Türkiyə tərəfi ölkənin ittifaqa daxil olması ilə bağlı Avropa İttifaqı ilə danışıqların bərpasının tərəfdarıdır.

O, həmçinin əlavə edib ki, Türkiyə Almaniyanın Türkiyə-Yunanıstan münasibətlərində neytral mövqeyə qayıtmasını gözləyir.

Səxavət