Cinayət-Prosessual Məcəlləsinə edilən dəyişikliklərin icrası ilə bağlı - Sərəncam

Azərbaycan Respublikasının Cinayət-Prosessual Məcəlləsində dəyişiklik edilməsi haqqında 2026-cı il 30 iyun tarixli Qanunun icrasını təmin etmək məqsədilə Baş nazir Əli Əsədov Sərəncam imzalayıb.

Publika.az xəbər verir ki, Sərəncama əsasən, qanunvericiliyin yeni dəyişikliklərə uyğunlaşdırılması üçün aidiyyəti dövlət qurumları qarşısında konkret tapşırıqlar qoyulub.

Belə ki, Ədliyyə Nazirliyi Daxili İşlər Nazirliyi, Baş Prokurorluq, Dövlət Təhlükəsizliyi Xidməti, Fövqəladə Hallar Nazirliyi, İqtisadiyyat Nazirliyi, Dövlət Gömrük Komitəsi və Dövlət Sərhəd Xidməti ilə razılaşdırmaqla, Nazirlər Kabinetinin normativ hüquqi aktlarının yeni qanuna uyğunlaşdırılması barədə təkliflərini 5 ay müddətində hökumətə təqdim etməlidir.

"Mərkəzi icra hakimiyyəti orqanları dörd aydan gec olmayaraq, Qanunun icrasını təmin etmək məqsədilə öz səlahiyyətləri daxilində normayaratma vəzifələrindən irəli gələn tədbirlər görüb, normativ hüquqi aktlarını və ya təkliflərinin olmadığı barədə məlumatı Ədliyyə Nazirliyinə təqdim etsinlər və icra vəziyyəti tələb etdikdə, Nazirlər Kabinetinə məlumat versinlər.

Həmçinin Ədliyyə Nazirliyi mərkəzi icra hakimiyyəti orqanlarının normativ hüquqi aktlarının və normativ xarakterli aktların Qanuna uyğunlaşdırılmasını təmin edib, bu barədə altı ay müddətində Nazirlər Kabinetinə məlumat versin", - Sərəncamda qeyd olunub.