Ulduz futbolçu qəzada həlak oldu - FOTO

Braziliyalı futbolçu Fernandao vəfat edib. 36 yaşlı veteran hücümçü helikopter qəzasında həlak olub.

Qəza Aurana əyalətində baş verib. Nəticədə Fernandao da daxil olmaqla helikopterdəki 5 nəfər həlak olub. Qəzanın səbəbi hələlik bəlli deyil.

Qeyd edək ki, Fernandao karyerası ərzində Braziliyanın "Qoias", "İnternasional", "San Paulo", Fransanın "Olimpik" (Marsel), "Tuluza" və Qətərin "Əl-Qarafa" klublarında top qovub.

DÇ-2006-da Braziliya millisinə dəvət alan hücumçu bir oyunda meydana çıxıb. 2011-ci ildə "San Paulo"da yaşıl meydanlarla vidalaşan Fernandao bir il sonra karyerasının ən yaxşı illərini keçirdiyi "İnternasional"ın baş məşqçisi təyin olunub. /Ans/