"Bitcoin"in qiyməti yeni TARİXİ MAKSİMUMA ÇATDI

"Bitcoin"in qiyməti kriptovalyuta vahidi üçün 80 min dolları keçərək yeni tarixi maksimuma çatıb.

Publika.az xəbər verir ki, bu barədə "Binance" kriptovalyuta birjasının yaydığı məlumatda qeyd edilib.

Birja məlumatlarına görə, ən bahalı kriptovalyutanın dəyəri bir gün ərzində 4,6% artıb.

Xatırladaq ki, noyabrın 8-də bitkoinin qiyməti ilk dəfə olaraq 77 min dollara çatıb .

İqtisad elmləri namizədi, maliyyə analitiki Mixail Belyaev, ABŞ seçkiləri fonunda "Bitcoin"in məzənnəsinin tezliklə 80 min dollara yüksələ biləcəyini proqnozlaşdırdı. İlk kriptovalyutanın 100 min dollara sıçrayışı hələ görünmür. Ekspertin sözlərinə görə, 80 min dollardan sonra korreksiyaya başlanılacaq.

"Bitcoin" (BTC) eyni adlı kriptovalyutanın mərkəzləşdirilməmiş sistemidir. O, blokçeyn texnologiyası üzərində işləyir və sistemin istənilən iştirakçısı yeni bloklar yaradaraq "Bitcoin"i emissiya edə bilər.

Maliyyəçilər etiraf edirlər ki, yaxın 10 il ərzində "Bitcoin"in qiyməti hər vahid üçün 1 milyon dollara qədər yüksələ bilər.

Hüseyn İbadlı