• USD 1,7000 0,00% EUR 2,0547 +0,52%
    • GBP 2,3736 +0,55% RUB 0,0230 +0,43%

Putindən QARABAĞ ÇAĞIRIŞI: kömək lazımdır

  • Qarabağ
  • 27 Yanvar 2021 17:30
  • 1 509 Baxış
Putindən QARABAĞ ÇAĞIRIŞI: kömək lazımdır

Beynəlxalq ictimaiyyət Qarabağa humanitar yardım göstərməlidir.

Publika.az xəbər verir ki, bunu Rusiya Prezidenti Vladimir Putin Davos Dünya İqtisadi Forumundakı çıxışı zamanı deyib.

Rusiya Prezidentinin sözlərinə görə, Dağlıq Qarabağın humanitar yardıma, infrastrukturun bərpasına, tarix və mədəniyyət abidələrinin qorunmasına ehtiyacı var. O, dünya birliyini Dağlıq Qarabağdakı humanitar problemlərin bərpasına və həllinə kömək etməyə çağırıb.

Putin ötən ilin noyabr ayında Rusiya, Ermənistan və Azərbaycan arasında əldə edilən üçtərəfli bəyanatı xatırladaraq qan tökülməsinin qarşısının alındığını bildirib: “Bu, ən başlıcası, tam atəşkəsə nail olmaq və sabitləşmə prosesinə başlamağa imkan verdi. İndi beynəlxalq birlik və şübhəsiz ki, böhranın həllində iştirak edən ölkələrin qarşısında duran vəzifələr var. Ziyana məruz qalan bölgələrə geri dönən qaçqınlarla əlaqəli humanitar problemlərin həllində, məhv edilmiş infrastrukturun bərpası, tarixi, dini və mədəniyyət abidələrinin qorunması və bərpası ilə bağlı kömək etmək lazımdır”.

Onun sözlərinə görə, Rusiya Dağlıq Qarabağ bölgəsindəki silahlı qarşıdurmanı dayandırmaq üçün aktiv vasitəçilik səyləri həyata keçirib: “Biz ATƏT-in Minsk qrupunda, xüsusən həmsədrlər - Rusiya, ABŞ və Fransa arasında əldə edilmiş razılaşmaları izləməyə çalışdıq. Bu da yaxşı əməkdaşlıq nümunəsi oldu”.

Zümrüd

Halal Nemət

Xəbər lenti

DAHA ÇOX XƏBƏR