Qırmızı.az

Nazir gəncləri təbrik etdi

2 Fevral 2022 15:50

Bu gün Gənclər Gününün təsis olunmasının 25 illiyini qeyd edirik. Bayram çərçivəsində "Gənclər həftəsi" elan olunub. Həftə ərzində müxtəlif tədbirlər keçirilib. Bu gün isə Azərbaycan Gəncləri Gününün 25 illiyinə həsr olunmuş Gənclər Forumu keçirildi.

Publika.az xəbər verir ki, bunu jurnalistlərə açıqlamasında gənclər və idman naziri Fərid Qayıbov deyib.

"Forumda Azərbaycanın müxtəlif regionlarından müxtəlif sahələri təmsil edən gənclər iştirak edirlər. Günün ilk yarısında cənab Prezident forumda iştirak etdi. Çox maraqlı görüş baş tutdu. Gənclər çox həyəcanlı olsalar da, bu günü çoxdandır gözləyirdilər. Günün ikinci yarısında isə gənclər üçün müxtəlif sahələrdən maraqlı insanları dəvət etmişik. Günün sonunda gənclərlə birlikdə Fəxri xiyaban və Şəhidlər xiyabanını ziyarət edəcəyik. Bütün gəncləri bu gün münasibətilə təbrik edirəm" - deyə nazir qeyd edib.