İl yarımda 12 min 526 nəfər himayəyə götürülüb - "YAŞAT"

"YAŞAT" Fondu indiyədək 2 min 927 şəhid ailəsini ziyarət edib.

Publika.az">Publika.az xəbər verir ki, bunu "YAŞAT" Fondunun fəaliyyətinə dair mətbuat konfransında "YAŞAT" Fondunun rəhbəri, Qarabağ qazisi Elvin Hüseynov deyib.

Onun sözlərinə görə, Fond tərəfindən 5 min 599 yaralı qeydə alınıb.

O bildirib ki, himayəyə götürülmüş şəxslərin sayı 12 min 526, müraciət isə 26 min 616-dır: "Çağrı mərkəzinə 2021-ci ildən bu günə kimi 117 min 901, 2021-ci il yanvarın 1-dən bu günə qədər 33 min 265 müraciət daxil olub. Həftə ərzində isə 40-dan çox canlı vətəndaş qəbulu hayata keçirilir".

E.Hüseynov "YAŞAT" Fondu tərəfindən Türkiyəyə müalicəyə göndərilən yaralı qazi və şəhid ailə üzlərinin sayı açıqlayıb. Bu günə qədər 171 yaralı və 5 şəhid ailə üzvü qardaş ölkəyə müalicəyə göndərilib. Elvin Hüseynov onu da qeyd edib ki, yaralı qazilərdən 146-ı vətənə qayıdıb: "Geri qayıdanlardan 3-ü şəhid ailəsinin üzvüdür. Hazırda Türkiyədə 25 qazimizin və 2 şəhid ailəsi üzvünün müalicəsi davam edir".