Bakıda satanistlər pişikləri doğrayır - EKSKLÜZİV

Publika.Az xəbər verir ki, bu hadisə ən çox Yasamal, Nərminov rayonları ərazisində baş verir. Buna isə səbəb yarımçıq tikililərin bu ərazilərdə çox olmasıdır.

Qəribə, eyni zamanda sarsıdıcı hadisə ilə qarşılaşanlar bu mənzərəyə izah tapa bilmirlər. Vətəndaşların bəziləri satanistlərdən şübhələnirlər. Satanistlərin yalnız pişikləri qurban seçdikləri deyilmir. Onlar dovşan, xoruz kimi heyvanları da kəsib qanını içirlər. Bizdə isə ən rahat tapılan heyvan sahibsiz pişiklər olduğu üçün yerli satanistlər pişikləri qurban seçir. Pişiklərin boğazında şah damardan yuxarıdakı boşluğu kəsib qanını içirlər. Bununla da özlərini şeytana yaxın hesab edirlər. Damarın yaxınlığındakı boşluğun seçilməsinə səbəb isə, şeytanın insanın boşluğundan yararlanmasına işarədir.

Bu heyvanların müdafiəsinə isə heç kim qalxmır. Dünyanın bir çox ölkələrində sahibsiz heyvanların müdafiəsinə qalxan, onlar üçün qida və saxlanc təşkil edən təşkilatlar olsa da, bizdə belə bir sistem hələ ki yoxdur.

Günay Muradlı

Publika.Az