Qırmızı.az
Donuz kababı
Neçənci tikəni udduqdan, qaçıncı badəni boşaltdıqdan sonra ağlıma gəldiyini xatırlamıram, amma qəfildən maraq məni götürdü ki, madam həm donuz əti yeyir, həm də araq içirəm, görəsən, bu əməlimin cəzasını cəhənnəmin hansı güşəsində çəkəcəm?
Bir anlıq təsəvvür etdim: İsrafil ovurdunda hazır tutduğu suru
çalır, yer-göy lərzəyə gəlir, qiyamət qopur. Çox keçmir ki,
"nefha-i saniye"nin məqamı çatır, yəni, buynuz ikinci dəfə
üfürülür, cəmi ölənlər dirilir, növbə ilə haqq-hesab verir...
Və... mənim əməl dəftərim soldan qoltuğuma verilir, donuz əti
yediyimə, rus arağı içdiyimə görə mələklərdən Malik Silvester
Stallone sayaq məni qahmarlayıb cəhənnəmin düz altıncı qatına vasil
edir, niyə məhz ora, özüm bilirəm, amma "şəxsi informasiya"
səciyyəsi daşıdığından Sizə demirəm.
Orada məni gözləyən əzablardan az-çox xəbəriniz var, amma həmin
odun-alovun içində "Tur" surəsinin 16-cı ayəsi ilə desəm, "Səbr
etsəm də birdir, səbr etməsəm də..."
İstədim Murad Köhnəqalaya zəng edim və ərz edim ki, şair,
müşahidəçilərin fikrincə, donuz əti yeyib, rus arağı içənlər
arasında Sən Allah-təalaya daha yaxın adamsan; de görüm, o uca və
bağışlayan Yaradan Adəmin, Həvvanın suçunu niyə vaxtında əfv etmədi
ki, biz də cənnətin qapılarından heç çölə çıxmayaq, problem nədir,
günah nədir, əzab nədir bilməyək...
Bilmirəm, o anda mənə hidayət gəlmək istəyirdi, yoxsa beynimi yenə
şeytan qurdalayırdı, amma, Muradın boğazımıza şərik çıxacağından
qorxub (məni nəfsli adam zənn etməyəsiniz deyə,cəhhənəmə yoldaş
axtarmamağım bəhanəsi ilə) telefonu cibimə qoydum...
Doğrusunu deyim ki, Xudavəndi-Aləmin dörd kitabla bəşəriyyətə
verdiyi mesajların arasında ağlıma batmayan çox məsələ var, o
məsələləri nə özüm həll edib bitirə bilirəm, nə də həll
edib-bitirən bir insan tanıyıram.
Görünür, donuzun yağlılığından idi, qəfildən ağlıma gəldi ki,
madam, cənnət hurilər və nemətlər məkanıdır, deməli, o gözəl
məkanda YASAQ MEYVƏ olmamalı idi, çünki bir yerdə ki, YASAQ var,
deməli, orada CƏZA da tətbiq edilir
(Adəmlə Həvva məhz cəza olaraq cənnətdən çıxarıldı); YASAQ VƏ CƏZA
olan mühit isə haradan "cənnət" oldu?
Görünür, arağın təsirindən idi ki, yadıma şeytanın cənnətdən
qovulmuş mələk olduğu düşdü və istədim tanış hacılardan birinə
telefon açıb xəbər alam ki, "qovulmuş mələk" cənnətə təzədən necə
girdi, niyə mələklər onun girişinə mane olmadılar ki, o da Adəm
babamızla, Həvva nənəmizi yoldan çıxarıb, bizi zülmə sala?
Amma məclisin ovqatını korlamamaq üçün yenə fikrimdən vaz
keçsəm də, məni rahat buraxmayan suallara ayılandan sonra
internetdə cavab axtaranda qafam yenə qarışdı: "Sana gelince Adem!
Sen ve eşin cennete yerleşiniz, istediğiniz her tarafından yiyip
içip yararlanınız. Yalnız sakın şu ağaca yaklaşmayın! Böyle
yaparsanız zalimlerden olursunuz. Fakat şeytan onlara, gözlerinden
gizlenmiş olan edep yerlerini açığa çıkarmak için vesvese verdi.
Onlara şöyle telkinde bulundu: "Rabbinizin size bu ağacın meyvesini
yasaklamasının tek sebebi, sizin meleklerden veya ölümsüz hayata
kavuşanlardan olmanızı önlemektir."diyerek, kendisinin onların
iyiliğini istediğine dair yemin üstüne yemin etti"/ (Araf,
7/19-21)
Adəm və Həvva insan idilərsə necə insan idilər ki, cinsiyyət
üzvləri yox idi? Mələk idilərsə, necə mələk idilər ki, Şeytan
onları mələyə çevrilmək vədi ilə aldada bildi? Görəsən, Adəm və
Həvva HARAda idi ki, Allah onları cənnətə yerləşdirirdi? Əgər
Adəmlə Həvva cənnətə köçürülmüşdüsə, deməli, onların daha öncə
yaşadığı bir məkan da vardı, o məkanın hara olması və cəhətləri
barədə gərəkdir ölkənin din yazarları rəylərini açıqlasınlar, çünki
normal mübahisə etməyi bacarmasalar da, özlərini elə aparırlar ki,
guya, biz cahillərin başa düşmədiyi şeyləri, onlar anlayaraq mömin
olublar.
Dinin təhsilin önünə keçməyə çalışdığı Azərbaycanda islam
mövzusunda intellektual dartışmalara ehtiyac var.
Dediyim odur ki, içki içməmək, donuz əti yeməmək, ibadət etmək hələ
dürüst insan olmaq demək deyil və fikrimcə, dürüst insan axirətə
can atmaqdan qabaq, yer üzündə özündən sonra yaşayacaq nəsillər
üçün daha ədalətli bir cəmiyyət qurmağa çalışmalıdır.
Elə buna görə də donuzlara "Napaleon" adının qoyulması qadağan
edilmiş şərab diyarı Fransada donuz ətinin yeyilməsi haram
buyrulmuş müsəlman aləmindən daha çox dürüst adam var.
Dediyim bir də odur ki, fikirləşənlərin çox olduğu cəmiyyət
inananların yaşadığı toplumlardan daha azad, daha ədalətli olur və
bu cür cəmiyyətlərdə ortaq dəyərlərin özəyini yasaqlar təşkil
etmir.
İstər yaradılışın dini versiyasına inansın, istərsə də təkamül
nəzəriyyəsinə, insan- yasaqlara qarşı çıxdığı qədər insandır.
-
İdman01:45
Məşhur kluba ağır cəza - 18 xalı silindi
-
Sosial01:01
Azərbaycana qaytarılan dörd kəndin sakinləri DANIŞDILAR - VİDEO
-
Qoroskop00:31
Günün qoroskopu: köklü yeniliklər başlanır
-
Magazin119 Aprel 23:15
Nazpəri illər sonra İlhamə Quliyeva ilə küsülü olmasının səbəbini açıqladı - VİDEO
-
Hadisə19 Aprel 22:48
Bakı metrosunda OLAY
-
Nida Xəbər 19 Aprel 22:24
4 kənd qayıtdı - Növbəti mərhələdə nə var?
-
Dünya19 Aprel 22:12
Ukrayna Rusiyanın hərbi obyektlərini vura bilər - NATO-dan TAM DƏSTƏK
-
MDB19 Aprel 21:50
95 yaşlı diplomat öldü