Bakıda ancaq ağ rəngli taksilər olacaq
Bizi izləyin

Qırmızı.az

Bakıda ancaq ağ rəngli taksilər olacaq

Birinci Avropa Oyunları ərəfəsində paytaxtın mərkəzində ancaq ağ rəngli taksilərin hərəkətinə icazə veriləcək.

Bunu Publika.az-a açıqlamasında Nəqliyyat Nazirliyinin Dövlət Avtomobil Nəqliyyat İdarəsinin Bakı Regional Şöbəsinin rəis müavini Əmrah Cəfərov deyib.

Onun sözlərinə görə, ağ taksilər yalnız oyunlar ərəfəsi fəaliyyət göstərəcək:

“İyunun birindən 1000 ədəd ağ taksi şəhərin mərkəzinə cəlb ediləcək. Bunun üçün əlavə taksi gətirməyə ehtiyac olmayacaq. Hazırda mövcud taksilərdən istifadə ediləcək. Bundan başqa, fiziki şəxslərdən də müvəqqəti alına bilər. Əlavə sürücü cəlb etməyə ehtiyac olmayacaq.

Şəhərin mərkəzində müxtəlif rəngli, köhnə maşınlardan taksi kimi istifadə edilir. Lakin oyunlar ərəfəsi buna məhdudiyyət olacaq. Rəngli taksilər paytaxtın kənar ərazilərində istifadə edilə bilər.

Bu taksilərin də sürücülərinin geyim formasında dəyişiklik olacaq. Onlara da vahid geyim forması tətbiq ediləcək”.

Ə.Cəfərovun sözlərinə görə, əvvəl gətirilmiş London taksilərinin paytaxtın mərkəzində hərəkətinə heç bir məhdudiyyət olmayacaq.

Gülxar

Oxumağa davam et
Reklam
Reklam

Gündəm