Rusiyada qəzaya uğrayan təyyarədəki bütün şəxslər ölüb - (YENİLƏNDİ)

Rusiyanın Kamçatka bölgəsində qəzaya uğrayan təyyarədəki bütün sərnişinlər ölüb.

Bunu ölkənin Fövqəladə Hallar Nazirliyinin əməkdaşı bildirib.

O qeyd edib ki, təyyarənin göyərtəsindəki 22 nəfər sərnişindən və 6 ekipaj üzvündən sağ qalanı yoxdur.

Rusiya Hava Nəqliyyatı Federal Agentliyi də təyyarənin qalıqlarının tapıldığını təsdiqləyib.

xxx

Rusiyanın Kamçatka bölgəsində radarlardan itən “An-26” markalı sərnişin təyyarəsinin qalıqları tapılıb.

Bunu TASS-a “Kamçatsk avia müəssisəsi” şirkətinin baş direktoru Aleksey Xrabrov bildirib.

“Bəli təyyarənin qırıqları tapılıb. Ancaq hansı şəraitdə tapıldığını deyə bilmərəm. İnformasiya ancaq sabah ola bilər. Hadisə yerinə sabah təyyarə uçacaq, helikopter işləyəcək”, - o deyib. (report)

xxx

10:03

Rusiyanın An-26 təyyarəsi ilə əlaqə itib.

Publika.az Axar.az-a istinadən xəbər verir ki, bu məlumatı Rusiya Fövqəladə Hallar Nazirliyinin Kamçatka diyarı üzrə baş idarəsi yayıb.

Təyyarənin Kamçatka yarımadası yaxınlığında yoxa çıxdığı bildirilib. Təyyarədə ümumilikdə 29 nəfərin olduğu vurğulanıb.