Region

Uğur Acar: “Öncə üzüm, sonra xatirələrim yandı” - VİDEO

4 Avqust 2021 14:30

Akdeniz Universiteti Xəstəxanasında 21 yanvar 2012-ci ildə professor Ömer Özkanın həyata keçirdiyi əməliyyat nəticəsində Türkiyənin ilk üz nəqli olan Uğur Acarın evi meşə yanğınlarının qurbanı olub.

Publika.az xəbər verir ki, 35 günlüyündə evlərində baş verən yanğın nəticəsində üzü tamamilə yanan Uğur Acar yanğınların uşaqlıqdan bəri qorxulu röyasına çevrildiyini deyib:

“Təəssüf ki, uşaqlıqda məni yaxalayan yanğın əl çəkmir. 27 il sonra məni rahat buraxmadı, bu dəfə xatirələrimi yandırdı. Yanğın çox böyük yeri əhatə edib. 2 yanğınsöndürənin həyatını itirdiyi Beloluk istiqaməti uşaqlığımın və unudulmaz anlarımın olduğu yerlərdir. Uşaqlıq anlarım kül oldu. Meşələrimiz, tarlalarımız və evlərimiz yandı”.