Region

Dünyanın ən böyük lift istehsalçısı Rusiyanı tərk edir

27 İyul 2022 17:45

Dünyanın ən böyük qaldırıcı avadanlıqları istehsal edən Amerika şirkəti “Otis” Rusiyadakı biznesini satmaq qərarına gəlib.

Publika.az xəbər verir ki, bu barədə şirkətin bəyanatında deyilir.

“Otis” biznesin 100%-ni “Ice Devlopment” şirkətinə satacaq.

“Şərqi Avropada davam edən böhranın və humanitar faciənin qlobal təsirlərini və nəticələrini, o cümlədən tədarük zəncirinin kəsilməsini və qaydaların sərtləşdirilməsini diqqətlə araşdırdıqdan sonra belə qənaətə gəldik ki, “Otis”in Rusiyadakı biznesimizə sahibliyi artıq dayanıqlı deyil”, - deyə bəyanatda bildirilir.

Müqavilənin tezliklə bağlanacağı gözlənilir.  

“Biz regionda sülh və sabitliyin bərpasını səbirsizliklə gözləyirik. Ukraynaya yardım və humanitar səylərə töhfə verməyə davam edəcəyik”, - məlumatda qeyd olunub.

Murad