Kütahyada inanılmaz kəşf!

Kütahyanın Çavdarhisar rayonunda YUNESKO-nun Dünya İrs Siyahısına daxil olan antik Aizanoi şəhərində aparılan qazıntılar zamanı Yunan mifologiyasında böyük əhəmiyyətə sahib olan Eros, Herakl və Dionisin heykəlləri tapılıb.

Publika.az xəbər verir ki, YUNESKO-nun Dünya İrs Siyahısına daxil olan antik Aizanoi şəhərində aparılan qazıntılarda hündürlüyü 2 metr 10 santimetr olan kişi heykəli ilə yanaşı, yunan mifologiyasına aid “Eros”, “Dionis” və “Herakl” heykəllərinin başlarını da aşkarlayıblar.

Qazıntı direktoru Prof. Dr. Gökhan Coşqun heykəllərin 2000 il əvvələ aid olduğunu bildirərək, “Kişi heykəlinin hündürlüyü 2,10 metrdir, postamentinin yalnız yarısı və bir ayağı yoxdur; digər hissələri tamamilə qorunub və saxlanılıb” deyib.

Çavdarhisara bağlı Aizanoi antik şəhərində aparılan qazıntılar Kütahya Dumlupınar Universiteti (DPÜ) tərəfindən 80 işçi və 20 texniki heyətlə Penkalas axını, agora və teatr bölmələrində aparılır.

E.ə 3000-ci ilə aid olan teatr, stadion, aqora və Zevs məbədi kimi tarixi strukturları ilə dövrün metropollarından biri olduğu düşünülən antik şəhərdə aparılan qazıntılar Penkalas çayında cəmləşib.

Ayşən