Səfir Malatyada itkin düşən azərbaycanlı tələbələrdən DANIŞDI
Bizi izləyin

Region

Səfir Malatyada itkin düşən azərbaycanlı tələbələrdən DANIŞDI

Səfir Malatyada itkin düşən azərbaycanlı tələbələrdən DANIŞDI

Malatyada dörd azərbaycanlı tələbə barədə xəbər yoxdur.

Publika.az xəbər verir ki, bunu Azərbaycanın Türkiyədəki səfiri Rəşad Məmmədov AZTV-yə müsahibəsində deyib.

Səfir qeyd edib ki, Türkiyədə ümumilikdə 27 min azərbaycanlı təhsil alır. Onların çoxu zəlzələnin baş vermədiyi ərazilərdə təhsil alır.

"Kahramanmaraşda 100 tələbəmiz var. Onlarla əlaqə yaratmışıq, hamısı qaydasındadır. Təəssüflər olsun ki, Malatyada binanın çökməsi nəticəsində orada yaşayan 4 azərbaycanlı tələbə itkin düşüb. Onlardan hələ xəbər ala bilməmişik", - səfir bildirib.

Xatırladaq ki, bu gün Türkiyədə səhər saatlarında 7.7 bal gücündə zəlzələ baş verib. Dərinliyi 7 kilometr olduğu müəyyən edilən zəlzələ Hatay, Qaziantep, Kilis, Osmaniye, Malatya, Adıyaman, Şanlıurfa, Diyarbəkir, Adana və Kahramanmaraş vilayətlərində ciddi dağıntılara səbəb olub.

Son məlumatlara görə, zəlzələ nəticəsində 1 541 nəfər həyatını itirib, 9 733 nəfər yaralanıb.

Teqlər
Oxumağa davam et
Reklam
Reklam

Gündəm

Zəfaran Hospital
Səba