Zurabaşvili müxalifətə səsləndi: Qələbə qazanacağınız təqdirdə...

Gürcüstan prezidenti Salome Zurabaşvili müxalifət qüvvələrini növbədənkənar parlament seçkilərində qələbə qazanacağı təqdirdə həyata keçirilməli olan islahatlar bəyannaməsini imzalamağa dəvət edib.

Publika.az xəbər verir ki, bu barədə Gürcüstan mətbuatı məlumat yayıb.

Zurabişvilinin sözlərinə görə, o, gələcək planını təqdim etmək qərarına gəlib, onun ətrafında müxalifət siyasi partiyaları birləşməyə dəvət olunub.

"Bu proqramın həyata keçirilməsi təkcə Avropaya inteqrasiya üçün deyil, həm də Gürcüstanda demokratiya və ədalətli dövlətin bərqərar olması üçün məcburidir", - deyə prezident vurğulayıb.

O, xarici agentlər haqqında qanunun ləğvi, amnistiya elan edilməsi, o cümlədən məhkəmələrdə və Daxili İşlər Nazirliyində islahatların aparılmasını dəstəklədiyini bildirib.

Zurabişvili qeyd edib ki, bəyannamə müxalifətin seçkilər zamanı vahid seçki blokunda birləşmək öhdəliyini nəzərdə tutmur.

Gürcüstan rəhbəri ölkənin Aİ-yə inteqrasiya prosesini mümkün qədər tez bərpa etmək üçün tərtib etdiyi planı Aİ strukturlarına təqdim edəcəyini açıqlayıb.

Adəm Abbaslı