ABŞ vizalarının verilmə prosesi asanlaşır

ABŞ prezidenti Co Bayden administrasiyası 500 mindən çox insanın Birləşmiş Ştatlarda hüquqi status almasını asanlaşdırmaq üçün tədbirlər görüləcəyini bildirib.

Publika.az xəbər verir ki, Ağ Evin mətbuat xidməti tərəfindən əvvəllər yayılan informasiyaya görə, bu tədbirlər “təxminən 500 min ABŞ vətəndaşının həyat yoldaşına” və onların amerikalı olmayan təxminən 50 min uşağına şamil olunacaq.

"Bu gün mən Amerika vətəndaşları ilə evli olan uzunmüddətli mühacirlərin hüquqi status alma prosesində sağlam düşüncəli dəyişiklikləri elan edirəm. Yeni qaydalara əsasən, bu şəxslər və onların uşaqları ölkədə “hüquqi status üçün müraciət etmək” üçün ABŞ-dan kənara getməli olmayacaqlar. Bu, potensial olaraq onların ABŞ rezidentliyi və ABŞ vətəndaşlığı əldə etmələrini asanlaşdırır. Bundan əlavə, onlar ABŞ-da işləmək üçün müvəqqəti icazə ala biləcəklər”, - deyə Bayden qeyd edib.

ABŞ dövlət başçısı ölkədəki ali təhsil müəssisələrində oxuyan və Birləşmiş Ştatlarda işləmək təklifi alanlar üçün ABŞ vizalarının verilməsi prosesinin asanlaşdığını da açıqlayıb.

Cəmilə