Region

Gürcüstandan yeni xəbər: Aksiyalar zamanı 50-dən çox polis yaralandı

30 Noyabr 2024 14:59

Tbilisidə müxalifətin etiraz aksiyaları zamanı 50-dən çox polis əməkdaşı yaralanıb.

Publika.az "RİA Novosti"yə istinadən xəbər verir ki, bunu Gürcüstanın baş naziri İrakli Kobaxidze deyib.

“Etirazçılar tərəfindən polisə qarşı amansız zorakılıq olub, onlar molotov kokteyli və pirotexniki vasitələrdən istifadə ediblər”, - deyə siyasətçi vurğulayıb.

O, 30 polisin cərrahi müdaxiləyə ehtiyacı olduğunu qeyd edib.

Xatırladaq ki, bundan əvvəl Gürcüstan Daxili İşlər Nazirliyi etiraz aksiyaları zamanı 107 nəfərin saxlanıldığını bildirmişdi. Tbilisidə parlament binası yaxınlığında etirazçılar infrastruktura ziyan vurub, müxtəlif obyektləri yandırıb, darvazalara və müşahidə kameralarına zərər veriblər. Qeyd olunur ki, həbslər xuliqanlıq və ya polisə tabe olmama maddələri ilə həyata keçirilib.

Adəm Abbaslı