Region

Gürcüstan prezidentinin qaçacağı yer bəlli oldu: Bu ölkə sığınacaq verdi

3 Dekabr 2024 16:10

Litva lazım olarsa, Gürcüstan prezidenti Salome Zurabişviliyə siyasi sığınacaq verməyə hazırdır.

Publika.az "Delfi"yə istinadən xəbər verir ki, bu barədə Litva prezidentinin baş müşaviri Asta Skaysqirite məlumat verib.

Rəsmi qeyd edib ki, Zurabişvili indiyədək “Tbilisidə öz xalqının yanında olacağını açıq şəkildə bəyan edib”.

Eyni zamanda Skaysqirite etiraf edib ki, Gürcüstan prezidentinin xaricdə müdafiəyə ehtiyacı ola bilər. Belə bir ehtiyac yaranarsa, təbii ki, Litva sığınacaq verəcək.

Xatırladaq ki, bundan əvvəl üç Baltikyanı ölkə - Litva, Latviya və Estoniya "Gürcüstanda qanuni etirazların yatırılmasında iştirak edənlərə" qarşı milli sanksiyaların tətbiqi barədə birgə razılığa gəliblər.

Adəm Abbaslı