Region

Kadırov cihada hazırlaşır? - Görün nə PAYLAŞDI - FOTO

24 Yanvar 2025 16:59

Çeçenistan Respublikasının başçısı Ramzan Kadırov "Telegram" kanalında Donetskdəki döyüşçülərə göndərəcəyi “Cihad maşınları”nı göstərib.

Publika.az paylaşıma istinadən xəbər verir ki, avtomobillərin “Çeçenavto” müəssisəsi tərəfindən hazırlandığı bildirilir.

“Rusiya Müdafiə Nazirliyinin bölmələrinin tərkibində Donetskdə döyüş tapşırıqlarını yerinə yetirən döyüşçülərimiz 15 ədəd yüksək texnologiyalı “Cihad” maşınları alıblar”, - Kadırov yazıb.

O, yeni texnikanı döyüşçülərə Çeçenistanın milli siyasət, xarici əlaqələr, mətbuat və informasiya naziri Əhməd Dudayev, Xalq Cəbhəsi və Rusiya Federasiyası Sənaye Nazirliyinin nümayəndələri ilə birlikdə təhvil verdiyini vurğulayıb.

Kadırov əlavə edib ki, bütün avtomobillər yüksək keyfiyyətlidir, bütün istehsal prosesi müasir standartlar və çətin şəraitdə çalışan əsgərlərimizin real təcrübəsi nəzərə alınmaqla qurulub.

Adəm Abbaslı