Region

Xamenei nüvə danışıqları ilə bağlı Pezeşkiana göstəriş verdi

9 Sentyabr 2025 22:48

İranın Ali Rəhbəri Əli Xamenei Qərblə nüvə danışıqlarının bərpası məqsədilə Prezident Məsud Pezeşkiana xüsusi tapşırıq verib.

Publika.az bu barədə "Azad İran" "Telegram" kanalına istinadla xəbər verir.

Məlumata əsasən, Əli Xamenei M.Pezeşkiana Qətər əmirindən vasitəçi kimi çıxış etməsini istəməyi tapşırıb.

Məqsəd İranla Qərb ölkələri arasında gərginliyin azaldılması və xüsusilə "snapback" (tətik) mexanizmi əsasında beynəlxalq sanksiyaların yenidən tətbiq olunmasının qarşısının alınmasıdır.

Qətərin rəsmi xəbər agentliyi də bu məlumatı dolayısı ilə təsdiqləyib.

Bildirilib ki, İran prezidenti tərəfindən göndərilən şifahi mesaj sentyabrın 4-də Dohada səfərdə olan İranın xarici işlər naziri Abbas Əraqçı vasitəsilə Qətər əmiri Şeyx Təmim bin Həməd Al Taniyə çatdırılıb. Həmin mesajda Tehranın adından Qətərdən Qərblə əlaqələrin yenidən qurulmasında diplomatik vasitəçilik rolu istənilib.