Ərdoğandan KRİTİK MESAJ: "Qəzzada şükür namazı qılacağıq"

"Qəzzalı qardaşlarımız öz yurdlarında əbədi olaraq azad şəkildə yaşayacaqlar. O mübarək gün gəldiyində isə Qəzzada hamımız birlikdə çiyin-çiyinə şükür namazı qılacağıq".

Publika.az xəbər verir ki, bunu Türkiyə Prezidenti Rəcəb Tayyib Ərdoğan Beşiktaş TÜPRAŞ Stadionunda keçiriləcək TÜGVA Yay Məktəbləri Final Proqramında çıxış edərkən deyib.

"Qəzzalı qardaşlarımız öz vətənlərində, şəhid qanları ilə sulanmış o mübarək torpaqlarda, inşallah, əbədi olaraq azad şəkildə yaşayacaqlar. O mübarək gün gəldikdə, Allah qismət edərsə, biz də orada olacağıq. Qardaşlıq borcumuzu yerinə yetirməyin qəlb rahatlığı ilə orada olacağıq. Çətin zamanda haqqı hayqırmağın qüruru ilə orada olacağıq. Zalımların qarşısında dik durmağın şərəfi ilə orada olacağıq. Məzlumlara sahib çıxmağın izzəti ilə orada olacağıq. Qəzzalı qardaşlarımızla bir-birimizə məhəbbətlə sarılacaq, qucaqlaşacaq, inşallah, hamımız birlikdə çiyin-çiyinə şükür namazı qılacağıq. Suriyada olduğu kimi, Qəzzada da zülmün sona çatdığını inşallah görəcəyik. O gözəl günlərə mütləq çatacağıq", - Ərdoğan bəyan edib.

Hüseyn İbadlı