Acun Ilıcalı “köhnə yuva”sını HƏDƏFƏ ALDI - Üç kanalı birdən almaq istəyir

Sahibi olduğu "TV8"in səhmlərini birjada satışa çıxarmağa hazırlaşan Acun Ilıcalı bu dəfə “köhnə yuva”sını hədəfə alıb.

Publika.az xəbər verir ki, bu barədə türk jurnalist Bora Erdin sosial media hesabında paylaş edib.

O bildirib ki, Ilıcalı "Show TV", "Show Türk" və "Show Max" kanallarını öz media holdinqinə qatmaq üçün hazırlıq aparır.

Bora Erdinin iddiasına görə, TMSF tərəfindən müsadirə edilən "Can Medya"ya bağlı media qurumlarının blok halında deyil, hissələrə ayrılaraq satılması planlaşdırılır. Bu nöqtədə prosesə daxil olan əsas şəxsin isə Acun Ilıcalı olduğu bildirilir.

"Show" TV, Acun Ilıcalı üçün yalnız ticarət hədəfi deyil, həm də xüsusi bir mənaya malikdir. Ilıcalı media patronluğuna aparan yolda ilk addımlarını məhz "Show TV"də idman müxbiri kimi atmış, “Acun Firarda” kimi məşhurlaşıb əfsanəyə çevrilən ilk layihələrini də bu kanala satmışdı.

Ilıcalı’nın "TV8"i satın alma hekayəsi də "Show" TV ilə əlaqəlidir. 2013-cü ildə Çukurova Qrupunun borclarına görə TMSF "Show TV"yə əl qoymuş, kanal daha sonra Ciner Qrupuna satılmışdı.

Həmin dövrdə kanaldan 106 bölümlük proqram haqqı olan Ilıcalı, TMSF-nin satış şərtində göstərilən “əvvəlcə borclar ödənəcək” maddəsi sayəsində bu vəsaiti tam şəkildə geri almışdı. Acun Ilıcalı dəfələrlə bildirmişdi ki, "TV8"i satın alarkən TMSF-dən geri aldığı həmin pulu və ortaqlıq modelini istifadə edib.

Hüseyn İbadlı