Paşinyanın qardaşı necə Rusiya vətəndaşı olub? – Səbəbi açıqlandı

Ermənistanın Baş naziri Nikol Paşinyan 5 martda hökumətin brifinqində qardaşının Rusiya Federasiyasının vətəndaşı olmasının səbəbini izah edib.

Publika.az xəbər verir ki, sual, onun Rusiya ilə əlaqəli və ya orada yaşayan bir çox siyasi rəqibini "KQB agentləri" adlandırması kontekstində verilib.

Hökumət başçısı, xüsusən də, yüz minlərlə Ermənistan vətəndaşı kimi, qardaşının da 90-cı illərin ikinci yarısında Rusiyaya getdiyini və orada yaşadığını bildirib.

Paşinyan həmçinin bəzi Rusiyapərəst müxalifət qüvvələrinin qarşıdan gələn parlament seçkilərində səs vermək üçün Rusiyada yaşayan Ermənistan vətəndaşlarının kütləvi axınını təşkil etmək niyyətində olduqları barədə şayiələrə də toxunub.

Baş nazir əmin edib ki, "bu baş versə belə, bu insanlar, əksər hallarda, ölkədən axını deyil, ölkəyə gəlişi təşviq edən bir hökumətə səs verəcəklər".

O, Rusiyaya gedən Ermənistan vətəndaşlarının bu qədər insanı vətənlərindən qovan bir hökumətə səs verməyəcəyinə inanır.

Tural