İran ilk dəfə ağır ballistik raketinin buraxılışını nümayiş etdirdi - Video

İranın İslam İnqilabı Keşikçiləri Korpusu (SEPAH) ilk dəfə olaraq 1,5 ton çəkidə döyüş başlığı daşımaq qabiliyyətinə malik olan və 2000 km-ə qədər məsafədəki hədəfləri vura bilən iki ədəd "Khorramshahr-4" ("Xorrəmşəhr-4") orta mənzilli ballistik raketinin buraxılış görüntülərini yayımlayıb.

Publika.az xəbər verir ki, kadırları "ImpNavigator" “Telegram” kanalı nümayiş etdirib.

Raketlər sutkanın qaranlıq vaxtında havaya buraxılıb.

İran "Xorrəmşəhr" ailəsinə məxsus bu yeni raketi ilk dəfə 2023-cü ildə nümayiş etdirib. Mütəxəssislərin qiymətləndirməsinə görə, onun uçuş məsafəsi təxminən 2000 kilometr təşkil edir.

Raket müasir mühərriklə təchiz olunub və çənlərdə uzun müddət saxlanıla bilən yanacaqdan istifadə edir ki, bu da buraxılışa hazırlıq vaxtını əhəmiyyətli dərəcədə qısaldır. "Xorrəmşəhr-4"ün naviqasiya sistemi trayektoriyanı hələ atmosferdən kənarda korreksiya etmək imkanı yaradır ki, bu da hədəfin vurulma dəqiqliyini artırır.

Hüseyn İbadlı