Evdə üzərlik, kəklikotu yandırın ki...

Qədim zamanlarda belə hesab olunurdu ki, istənilən xəstəliklərin səbəbi qara qüvvələrdir. Onlar evlərə daxil olur və bu da evlərdə yaşayan insanları xəstə edir.

Təsadüf nəticəsində insanlar aşkar ediblər ki, müəyyən otların tüstüsünün evlərə verilməsi xəstəliklərdən qoruyur və sağalmanı tezləşdirir. Qədim inanclara görə bu otlar evləri qara qüvvələrdən təmizləyirdi və məhz bu səbəbdən insanlar sağalırdı.

Müasir insanlar bilir ki, xəstəliklərin səbəbi qara qüvvələr deyil, mikrob və viruslardır. Bəzi otlar güclü mikrob və virus əleyhinə təsirə malik olduğundan bu otların tüstüsü evdə olan virus və mikrobları məhv edir və insanları xəstəliklərdən qoruyur. Bu çox sadə və eyni zamanda effektli profilaktik tədbirdir. Soyuq fəsillərdə bu xüsusilə önəmlidir.

Evin havasını təmizləmək üçün bu kimi otlardan istifadə edin:

- evkalipt

- adaçayı

- kəklikotu

- bibəriyə

- üzərlik

- lavanda

Otlardan (birindən və ya bir neçəsindən) az miqdarda götürüb yandırın və tüstüsünü evlərə verin. Bununla siz özünüzü və ailə üzvlərinizi soyuqdəymə və virus xəstəliklərindən qoruya bilərsiniz.