Sağlamlıq

Axşam yemək yeməmək İNSANI KÖKƏLDİR - Alimləridən maraqlı araşdırma

25 Yanvar 2021 19:00

Axşam yeməyindən imtina kökəlməyə səbəb ola bilər.

Publika.az “The New York Post”a istinadən xəbər verir ki, bu nəticəni yapon alimləri veriblər. Mütəxəssislər üç il ərzində 17.573 kişi və 8.860 qadını müşahidə edib. Axşam yeməyindən imtina edən iştirakçıların daha çox kökəldiyi ortaya çıxıb.

Alimlər kök kişilərin 10,8, artıq çəkili qadınların isə 17,1 faizinin axşam yeməyi yemədiklərini təxmin edirlər. Kökəlməyin digər ümumi səbəbləri arasında yaş, yuxusuzluq, həddindən artıq alkoqol və siqaret də var.

Tədqiqatçıların sözlərinə görə, axşam yeməklərindən imtina güclü aclıqdan qaynaqlanan nizamsız iştaha səbəb olur. Yəni insan yemək miqdarına nəzarət edə bilmir. Bu nəzəriyyə hələ 100 faiz sübut edilməyib, lakin elm adamları bu nəticənin obezliyin qarşısını almaq üçün istifadə edilə biləcəyini qeyd edirlər.