Bədəni effektiv şəkildə təmizləyir və xolesterini aşağı salır

Adi su və tərəvəzlər bədəni effektiv şəkildə təmizləyən ən ideal vasitələrdir.

Publika.az xəbər verir ki, bu sözləri məşhur diyetoloq Yelena Tixomirova "Lenta.ru"ya müsahibəsində danışıb.

"Su və tərəvəzlər detoks təsiri göstərən, ən yaxşı məhsullardır, ikinci yerdə giləmeyvə və meyvələr gəlir. Amma yadda saxlamaq lazımdır ki, giləmeyvə və meyvələrdə şəkər çoxdur, odur ki, həddi aşmayın. Bədənin vaxtında yaxşı təmizlənməsi üçün çoxlu su içmək lazımdır, çünki o, universal həlledicidir. İstehlak norması praktiki olaraq sağlam insanlar üçün 30 kq bədən çəkisi üçün təxminən bir litrdir. Xüsusən də filtrdən keçmiş su içmək məsləhətdir. İstifadədən əvvəl suyu dondurmaq və əritmək də eyni dərəcədə faydalıdır.

Bununla belə, suyun qaynadılmasına ehtiyac yoxdur. Bu, yalnız müəyyən şərtlərdə, məsələn, səyahət edərkən zəhərlənməmək üçün lazımdır. Suya laym və ya limon suyu əlavə edə bilərsiniz. Bu içki yaxşı detoks effektinə malikdir. İstənilən bitki çayları da antioksidantlarla zəngin olduğu üçün orqanizmi təmizləməyə kömək edir.

Göbələk həm də əla detoks məhsuludur, çünki onların tərkibində çoxlu miqdarda lif var. İstənilən tərəvəzin təmizləyici xüsusiyyəti var, xüsusən də göyərti, kahı yarpaqları, müxtəlif növ kələm, bolqar bibəri, balqabaq, xiyar və s. Bu məhsullardakı liflər bağırsaq hərəkətliliyini yaxşılaşdırır və bunun sayəsində normal nəcis əmələ gəlir. Bundan əlavə, lif əhəmiyyətli sorbsiya xüsusiyyətlərinə malikdir - mədə-bağırsaq traktında əmələ gələn endotoksinləri udur və onları xaric edir. Lif yağ və öd turşularını, ağır metalların duzlarını udur və xolesterini aşağı salır", - həkim izah etdi.

Aytən Məftun