Qanda hemoqlobini artıran məhsulların siyahısı

Yalnız xüsusi həblər deyil, həm də düzgün bəslənmə qanda hemoqlobin səviyyəsini normallaşdırmağa kömək edir. Dəmir və C vitamini ilə zəngin qidalar yemək vacibdir. İlk növbədə tərkibində dəmir olan qırmızı ətə, xüsusilə mal və quzu ətinə diqqət yetirməlisiniz. Gündə ən azı 100 qram yeməlisiniz.

Publika.az xəbər verir ki, bu barədə diyetoloq, fitnes üzrə məşqçi İnna Aminova Lenta.ru-ya müsahibəsində deyib.

"Qoz və toxumla dəmirlə, maqnezium və digər vacib minerallarla zəngindir. Şam, qoz, badam, günəbaxan tumu və balqabaq gündəlik qida rasionuna daxil edilə bilər. Bəzi meyvə və tərəvəzlər də hemoqlobin səviyyəsini artıra bilər. Sitrus meyvələri, çiyələk, itburnu, kivi, bolqar bibəri, həmçinin brokoli, ispanaq və çuğundur kimi məhsulları rasionunuza mütləq daxil etməlisiniz. Taxılları, xüsusən də yulaf və qarabaşaq yarmasını unutmayın.

Bununla belə yadda saxlamaq lazımdır ki, bütün qidalar məqbul miqdarda istehlak edilməlidir. Sağlamlığınızla bağlı şübhəniz varsa, həkimə müraciət etməyiniz vacibdir. Həkim lazımi analizləri aparıb müvafiq müalicəni təyin edə bilər”, - Aminova yekunda bildirib.

Aytən Məftun