• USD 1,7000 0,00% EUR 2,0193 0,00%
    • GBP 2,3709 0,00% RUB 0,0232 0,00%

Yerimə qabiliyyətini itirdi, ayaqlarının amputasiyası diaqnozu qoyuldu, AMMA... - Azərbaycanda

  • Səhiyyə
  • 9 Fevral 2018 12:39
  • 1 044 Baxış
Yerimə qabiliyyətini itirdi, ayaqlarının amputasiyası diaqnozu qoyuldu, AMMA... - Azərbaycanda

Uzun zamandır ayağındakı yaralardan əziyyət çəkən, hətta hər iki ayağının amputasiyası diaqnozu qoyulan xəstə tam sağalıb.

Publika.az xəbər verir ki, müalicə prosesinə rəhbərlik edən revmatologiya mütəxəssisi Nərgiz Hüseynova 37 yaşlı Ramil Səfərovun uzun zamandır ayaqlarındakı yaralardan əziyyət çəkdiyini, hətta yerimə qabiliyyətini itirdiyini bildirib:

“Müraciət etdiyi xarici və bir çox yerli mütəxəssislər hər iki ayağının amputasiyasını məsləhət görüblər. Lakin xəstənin inadkar araşdırmalarından sonra ona çox nadir görülən diaqnoz qoyularaq dərhal xüsusi rejimdə müalicə başlanılıb. Müalicə uğurla tamamlandıqdan sonra xəstənin ayağındakı yaralar nəinki sağalıb, hətta xəstə sərbəst, dəstəksiz yerimə qabiliyyətini bərpa edib”.

Həkim bildirib ki, xəstənin bədənində iki nadir xəstəlik eyni anda inkişaf edib:

“Xəstə biziə son ümid yeri olaraq baş vurmuşdu. Bizdən öncə müraciət etdiyi bütün xəstəxanalarda hər iki ayağın amputasiyası tövsiyə olunmuşdu. Amma dərin araşdırmalardan sonra xəstədə tibbdə olduqca nadir rastlanan iki xəstəliyin müştərək seyr göstərməsini aşkar etdik – “antifosfolipid sindrom” və “orta damar vaskuliti” . Bundan sonra xəstəyə mərkəzimizdə intensiv müalicə başladıq. Nəticədə 1 ay sonra artıq xəstə yeriməyə başladı. Bu xəstəliklər əlillik dərəcəsi yüksək olan xəstəliklər kateqoriyasına aiddirlər. Uzun illərdir bu xəstələr öz şəfalarını xarici ölkələrə üz tutaraq axtarırdılar artıq tam əminliklə deyə bilərəm ki, artq ölkəmizdə bu xəstəliklər geniş araşdırılaraq müalicə tədbirləri görülür”.

Xatırladaq ki, Nərgiz Hüseynova respublikamızda sistem xəstəliklər və revmatologiya üzrə xaricdə təhsil almış yeganə mütəxəssisdir.

Halal Nemət

Xəbər lenti

DAHA ÇOX XƏBƏR