Ürək tutmasına bənzəyən sindrom - Ürək “qırıla” bilir

“Yaxın insanın vəfatı, boşanma, hətta qəfil sevinc kimi güclü emosional sarsıntıdan sonra ürək kimi normal yığılma simptomları itirir və bu, infarktınlarına bənzər əlamətlərə səbəb olur.”

Publika.az xəbər verir ki, vyby Piroqov Universitetinin kardiologiya kafedrasının dosenti Yuliya Yufereva Gazeta.ru- ya bildirib ki,

“ Maraqlı bir fakt: ürək sözün əsl mənasında emosiyalar səbəbindən “qırıla” bilər. Nadir rast gəlinən, lakin real xəstəlik olan Takotsubo sindromu, yaxud “qırıq ürək sindromu” mövcuddur. Yaxın insanın vəfatı, boşanma, hətta qəfil sevinc kimi güclü emosional sarsıntıdan sonra ürək müvəqqəti olaraq normal yığılma qabiliyyətini itirir. Onun simptomları infarktın əlamətlərindən, demək olar ki, fərqlənmir: döş qəfəsində ağrı, təngnəfəslik, halsızlıq. Lakin bunun səbəbi damarların tutulması deyil, stress hormonlarının həddindən artıq miqdarda ifraz olunmasıdır. Sindrom adını yaponların “takotsubo” adlı səkkizayaq tutmaq üçün istifadə etdikləri tələdən alıb: görüntüləmələr zamanı ürək həmin tələnin formasını xatırladır”, – deyə həkim izah edib.

Həkimin sözlərinə görə, qorxu və narahatlıq reaksiyalarına cavabdeh olan beyin strukturunun – badamcıq cisminin yüksək aktivliyinə malik insanlarda ürək-damar xəstəlikləri daha tez-tez inkişaf edir.

“Əslində, beynin emosional mərkəzi bioloji reaksiyalar zəncirini işə sala bilər və bu proses illər sonra damarların və ürəyin zədələnməsinə gətirib çıxara bilər. Stress ürək-damar xəstəlikləri üçün mühüm risk faktorudur; xroniki psixoemosional gərginlik ürək-damar sistemini tədricən zəiflədir. Yaxşı xəbər budur ki, stressi idarə etmək mümkündür. Üstəlik, bir çox üsul kardioloji baxımdan ölçülə bilən təsir göstərir və onların effektivliyi inandırıcı elmi sübutlarla təsdiqlənib. Bunlara yoqa, nəfəs gimnastikası, meditasiya və şüurlu fərqindəlik təcrübələri, proqressiv əzələ relaksasiyası və koqnitiv-davranış terapiyası daxildir”, – deyə həkim bildirib.”, – deyə həkim bildirib.

Hüseyn İbadlı