Sosial

Qarabağ qazisinin maraqlı VİDEOSU YAYILDI

8 Noyabr 2019 11:57

Vətənpərvər videolar hazırlamaqla Azərbaycanda məşhurlaşan Turxan, Nərgiz, Camal Museyibovların növbəti layihəsi 9 noyabr Azərbaycanda Dövlət Bayrağı Gününə həsr olunub.

Publika.az xəbər verir ki, onlar bu videoda Qarabağ qazisi, 2015-ci ilin oktyabrında döyüş tapşırığı yerinə yetirərkən düşmənin naməlum minasının partlaması nəticəsində ayağını və gözünü itirmiş Kamil Musavi ilə birlikdə çəkiliblər. Şəhidlər Xiyabanında çəkilən videoda Vətənə, bayrağa sevgidən bəhs olunur.

Extreme Film LLC-nin layihəsi olan videonun idea müəllifi Tural Müseyibov, rejissoru Emin Əhmədov, redaktoru Sevinc İsgəndərovadır.

Xatırladaq ki, Turxan, Nərgiz, Camal Museyibovlar keçmiş xəbər aparıcısı, hazırda Dövlət Dəniz Agentliyinin mətbuat xidmətinin rəhbəri Tural Müseyibovun övladlarıdır.