Qüdrət Həsənquliyev: Rəsulzadənin, Xoyskinin və Topçubaşovun nəşləri Bakıya gətirilsin

“Dövlət büdcəsi xərclərinin 32 milyarda çatdırılması təqdirəlayiqdir. Allah dövlətimizi qorusun. Neftin qiyməti aşağı enməsin ki, Qarabağımzı bərpa edək, insanlarımızın rifahını daha da gücləndirək”.

Publika.az xəbər verir ki, bunu Milli Məclisdə 2022-ci ilin dövlət büdcəsinin müzakirəsi zamanı Qüdrət Həsənquliyev deyib.

Deputat xatırladıb ki, Azərbaycan prezidenti ordu günü Kəlbəcər və Laçına səfər edib: “Ordumuzu təbrik drəm. Qarabağdakı quruculuq işlərini görədən insan fəxarət hissi keçirir. Ancaq bizim yaşlı insanlarımız ora qayıtmadan vəfat edirlər.

Hesab edirəm ki, təcili olaraq qaz, yol çəkilməlidir. İnsanlara da imkan verilməlidir ki, gedib evlərini bərpa etsinlər. Bunun üçün Neft Fondundan 2 milyard manatın ayırmaq da olar. Eyni zamanda zamanında ümumilli lider Heydər Əliyev tərəfindən Xalq Cümhuriyyətinin şərəfinə abidə ucaldılması haqda sərəncam verib.

Hesab edirəm ki, büdcədən bunun üçün maliyyə ayrılması, 2 hektar torpaq alınması və cümhuriyyətə aid parkın tikilməsi və orada abidənin ucaldılması yaxşı hal olardı. Bununla paralel olaraq Məhəmməd Əmin Rəsulzadənin, Əlimardan bəy Topçubaşovun, Fətəli Xan Soyskinin nəşlərinin ölkəmizə gətirilərək Fəxri Xiyabanda dəfn olunması müsbət hal olardı.

Bizdə bunun təcrübəsi var. Vaxtı ilə ümumilli lider Heydər Əliyev tərəfindən Hüseyn Cavidin nəşi vətənə gətirilib. Hesab edirəm ki, biz təkcə abadlığa deyil, həm də mənəviyyatımıza pul xərcləməliyik”.