Sosial
“İçərişəhər” Dövlət Tarix-Memarlıq Qoruğu İdarəsi ictimaiyyətə müraciət etdi
“İçərişəhər” Dövlət Tarix-Memarlıq Qoruğu İdarəsinin ictimaiyyətə müraciət edib.
Publika.az xəbər verir ki, müraciətdə deyilir:
"İçərişəhər və Qala Qoruğu kimi tanınan məkan Bakının və bütövlükdə ölkəmizin ən dəyərli incisi, eyni zamanda tarixi memarlıq abidələrinin mühafizə olunduğu qoruqdur. İçərişəhər və Qala Qoruğu müxtəlif mədəniyyətlərin, dini inancların, təzadların ahəngdarlıqla qovuşaraq mükəmməl harmoniya yaratdığı əfsanəvi məkan olmaqla yanaşı qədim tarixə və zəngin mədəniyyətə malik Azərbaycan xalqının milli sərvətidir.
Ölkəmizin orta əsrlərdə yüksək inkişaf etmiş şəhərsalma sənətinin misilsiz yadigarı olan bu unikal məkanlardakı dünya, ölkə və yerli əhəmiyyətli memarlıq və tarixi abidələr Azərbaycan memarlığının parlaq nümunələridir və Azərbaycan Respublikası Konstitusiyasının 77-ci maddəsinə görə bu abidələri qorumaq hər bir şəxsin borcudur. Əsirlər sınağından keçmiş mədəni irsimizin bu günə qədər qorunub saxlanılması dövlətin siyasəti, cəmiyyətin mədəni irsimizə münasibəti və hər bir fərdin məsuliyyəti sayəsində baş vermişdir.
Lakin təəssüflə qeyd etməliyik ki, “İçərişəhər” Dövlət Tarix-Memarlıq Qoruğu İdarəsi tərəfindən aparılan monitorinq zamanı bəzən xoşagəlməz hallar müəyyən edilir. Qeyd olunan tarixi abidələrin bədii-estetik görünüşünü pozan vandalizm aktları ilə bağlı daima hüquq mühafizə orqanları ilə əməkdaşlıq edilir. Hüquq mühafizə orqanları ilə bu sahədə edilən əməkdaşlıq hər zaman öz töhfəsini verir. Məlumat üçün bildiririk ki, tarixi abidələrə qarşı yol verilən hüquqazidd əməllər məsuliyyət yaradır və Azərbaycan Respublikası İnzibati Xətalar məcəlləsinə, eyni zamanda Cinayət məcəlləsinə əsasən məsuliyyətə cəlb olunmağa əsasdır. Lakin zərər vuraraq cəza almaqdan fərqli olaraq mədəni irsimizə hörmətlə yanaşıb onu qorumaq hər bir vətəndaşın məsuliyyəti və borcudur.
Hörmətli həmvətənlər, tarixi-mədəni abidələrin qorunması hər bir kəsdən aslıdır! Mədəni irsi gələcək nəsil üçün qorumaq hər birimizin mənəvi borcu və məsuliyyətidir. Tariximizi birlikdə qoruyaq!”
-
Nəqliyyat14:18
Azərbaycanda taksidən istifadə edənlərin sayı kəskin azalıb: Səbəb nədir, kasıblıq, yoxsa...
-
Magazin114:06
Aysunun ailəsi DAĞILDI - Ərindən ayrılıq paylaşımı / FOTO
-
Ekologiya13:30
Zirəddin "dəhşətli zəlzələ olacaq" dedi: Seysmoloji Xidmətdən reaksiya gəldi
-
İdman13:24
ÇL-in qalibi olan məşhur futbolçu görün Amazon cəngəlliklərində nə işlə məşğuldur - FOTOLAR
-
İdman13:05
Məşhur türk AFFA rəhbərliyini biabır etdi: Nə istədikləri bəlli deyil
-
Dünya12:52
Əsədin Türkiyə planı illər sonra üzə çıxdı: bu qüvvələrə silah verərək... - DETALLAR
-
Hadisə12:18
"Vaqner"çilərin valideynləri Bakıda toplaşdılar - VİDEO
-
Region12:00
Ermənistan geri çəkildi: Bunu etməyə cəsarəti çatmadı