Sosial

"Bu qayğı və diqqət bizi qürurlandırır" – Müharibə veteranı

2 Avqust 2022 16:21

“Baş nazir Əli Əsədovun I Qarabağ müharibəsi iştirakçılarına birdəfəlik ödəmələrin verilməsi ilə bağlı qərarını müsbət dəyərləndirirəm”.

Bu barədə Publika.az-a danışan I Qarabağ müharibəsi iştirakçısı, ehtiyatda olan polkovnik Sadiq Paşayev bildirdi ki, bu addım dövlətimizin başçısı, Ali Baş Komandan İlham Əliyev tərəfindən müharibə iştirakçılarına göstərilən qayğının təzahürüdür:

“Bunu yalnız alqışlamaq olar. Bu sahədə atılan istənilən addım, verilən istənilən qərar, fərman müharibədə sağlamlığını itirmiş şəsxlərin, qazilərin maddi və sosial vəziyyətinin yaxşılaşdırılmasına xidmət edir və bu, bizi qürurlandırır. Belə addımlar dövlətin müharibə iştirakçılarına diqqət və qayğısınıi daha da artırır, bizim bir yumruq altında birləşməyimizin rəmzinə çevrilir. Bu gün sevinirəm ki, müharibə əlillərinin vaxtilə çəkdikləri əziyyətlər öz səmərəsini verməkdədir. İnanıram ki, dövlətimizin bizə göstərdiyi qayğı bundan sonra da davam edəcək”.

Rövşən Ziya