Ən ağıllı uşaqların hansı ayda doğulduğu məlum oldu

Elm adamları tərəfindən aparılan tədqiqat zamanı uşaqların doğum ayı ilə zəka arasında mümkün əlaqəni araşdıraraq nəticələr əldə edilib.

Publika.az xəbər verir ki, araşdırmalar nəticəsində hansı aylarda doğulan uşaqların intellekt potensialının daha yüksək olduğuna dair mühüm məlumatlar əldə edilib. Bu tapıntılara görə, uşaqların doğum ayları onların intellekt inkişafına təsir edə bilər.

ABŞ-da 1 milyon şagirdin məlumatlarını araşdıran elm adamları sentyabr ayında doğulan şagirdlərin digər aylarda doğulanlara nisbətən məktəb performanslarında daha müvəffəqiyyətli olduğunu üzə çıxarıb. Araşdırmaya əsasən bu şəxslər həm orta, həm də ali məktəb səviyyəsində ən yüksək qiymətlər alıblar.

Avqust ayında doğulan uşaqlar ümumiyyətlə daha az akademik uğur qazanırlar. Məlum olub ki, idmanda uğur qazananların əksəriyyəti avqust ayında doğulub. Xüsusilə futbol və basketbol kimi idman növlərində ulduz futbolçuların əksəriyyətinin avqust ayında doğulduğu bildirilib.

Bu araşdırmalar göstərir ki, doğum ayı təkcə bürclərə və doğum günlərinə deyil, həm də zəka və ömür kimi mühüm amillərə təsir edə bilər.

Aysel Şahmar