Sosial

Eminlə Kərəmin övladlarının möhtəşəm toyu: Kilolarla qızıl, milyonlarla pul, tonlarla ət - FOTO/VİDEO

7 İyul 2025 17:07

Pinyanişi tayfasından olan iş adamı Kərəm İnanın oğlu Yasin İnan ilə Giravi tayfasından olan iş adamı Emin Bozdemirin qızı Zilan Bozdemir Vanda ailə qurub.

Publika.az Türkiyə mətbuatına istinadən xəbər verir ki, gəlinə 1,5 kilo qızıl, bəyə isə milyonlarla lirə verilib.

Təşkilatçısı iş adamı Haşim İnan olan toy rəngarəng görüntülərə səhnə olub. Toyda təxminən 1 ton ət istehlak edilib, iki gündə təxminən 8 min adama yemək verilib.

5 min adamın qatıldığı toyda qohumlarla yanaşı regionun ən tanınmış şəxsləri də iştirak edib. 4 saat davam edən toyda bəyə 7,5 milyon TL (təxminən 319 min 500 manat), gəlinə isə 1,5 kilo qızıl hədiyyə edilib.

"Bu xoşbəxt gündə bizi tək qoymayan bütün dostlarımıza, yaxınlarımıza sonsuz təşəkkürümü bildirirəm. Gözəl bir toy oldu. Qonaqlarımızı yaxşı qarşıladıq. 7 milyon 500 min lirə yığıldı. Ailə əvvəllər İzmir və Mersində yaşadığından, bu şəhərlərdən əlavə olaraq iki mindən çox insan iştirak etdi. Bəylə gəlinə ömür boyu xoşbəxtlik arzulayıram”, - deyə təşkilatçı Haşim İnan bildirib.

Adəm