Qumarda pul udan qadının "hekayəsi": Ərini və evini necə itirib?

Liza Uoker adlı Böyük Britaniya sakini kazinoda qalib gəldikdən sonra qumar asılılığının inkişafından danışıb.

Publika.az xəbər verir ki, onun hekayəsini "Need To Know" nəşri paylaşıb.

Bildirilir ki, 2001-ci ildə Uoker 127.000 funt-sterlinq (210 min 270 manat) kazino cekpotu qazanıb. Daha sonra etiraf edib ki, o gün "yer üzündəki cəhənnəmin başlanğıcı" idi. Qələbəsindən ilhamlanaraq, qumara aludə olmağa başlayıb.

"Mən yorulurdum, yuxusuz qalırdım, amma yenə də ayağa qalxmaq, geyinmək və kazinoya və ya bukmekerə getmək üçün güc tapırdım", - deyə Liza qeyd edib.

Amma sonra britaniyalı qadın uduzmağa başlayıb. Borclarına görə o, müflis olduğunu elan edib, evini itirib. Onun qumar aludəliyi əri ilə münasibətlərinə də təsir etməyə başlayıb. 2018-ci ildə Uoker qəfildən anlayıb ki, toy gecəsini sevgilisi ilə keçirmək əvəzinə, qumar oynayıb.

Bu, onu kömək istəməyə məcbur edib. İndi evliliyin dağılmasına baxmayaraq, həyatı yaxşılaşıb. O, kiçik bir mənzildə yaşayır, reabilitasiyadan keçməyə davam edir.

Uolker deyib ki, qumar asılılığı çox təhlükəlidir. Qadın onu da vurğulayıb ki, indi qumara aludə olmaq əvvəlkindən daha asandır. O, buna misal kimi onlayn qumar oynlarını göstərib. Uoker insanları asan pul dalınca getməyi dayandırmağa çağırıb.

Adəm